एजेन्सी । बेलायतकोे अक्सफोर्ड र एस्ट्राजेनेका युनिभर्सिटीले तयार पारेको कोरोना भाइरसविरुद्धको तेस्रो चरणको खोप पूर्णरुपमा सुरक्षित भएकाले केही समय भित्रमै यसको परीक्षण र वितरण सुरु गरिने जनाएको छ ।

सुरुवाती प्रयोगमा बिरामीलाई साइड इफेक्ट भएपछि यो खोप रोकिएको थियो । यद्यपि, पुनः परीक्षण अध्ययन अनुसन्धान गरिएकामा सो खोप सुरक्षित हुने भएपछि केही समयमानै यसको परीक्षण र वितरण सुरु गरिने बेलायतका स्वास्थ्य सचिव म्याट ह्यान्ककले जानकारी दिनुभयो ।

अक्सफोर्ड र एस्ट्राजेनेका युनिभर्सिटीका वैज्ञानिकहरुले पनि खोपको परीक्षणकालमा सहभागि बिरामी स्वस्थ रहनसक्ने दाबी गर्दै यसमा अत्तिनु पर्ने विषय केही नभएको स्पष्ट पारेको छ ।