काभ्रे । काभ्रेको बेथानचोकका नेपाली कांग्रेसका नेता एवम् समाजसेवी खजेन्ची लामाको परिवारले बाढी पिडितका लागि ३ लाख ३३ हजार ३३३ रुपैयाँ हस्तान्तरण गरेको छ ।

नेता लामाले कांग्रेस केन्द्रीय कार्यालय सानेपामै पुगेर कांग्रेसको राहत कोषमा रकम हस्तान्तरण गरेका हुन् । कांग्रेसका उपसभापति विश्वप्रकाश शर्मालाई उक्त रकम हस्तान्तरण गरिएको थियो।

पूर्व वडा अध्यक्ष एवम् नेपाली कांग्रेस बेथानचोक वडा न ५ का सभापति समेत रहेका खजेन्ची लामा बेथानचोक गाउँपालिकामा सहयोगी र सक्रिय नेताका रुपमा चिनिन्छन् ।