काठमाडौं । अभिनेता पल शाहलाई बालयौन दुरुपयोगमा जिल्ला अदालत नवलपरासीले अढाई वर्षको जेल सजाय सुनायो । एक किशोरीले दिएको जाहेरीका आधारमा उनी गत १५ फागुनमा पक्राउ परेका थिए ।

शाहले पक्राउ परेयता कारागारभित्र ६ महिना बिताइसकेका छन् । पक्राउ परेकै दिनदेखि गणना हुने भएकाले उनको जेल सजाय अब २ वर्षमात्रै बाँकी छ । त्यस हिसाबले २०८१ साल भदौमा उनी जेलबाट रिहा हुनेछन् ।

यद्यपि, पलमाथि तनहुँ जिल्ला अदालतमा दायर भएको अर्को मुद्दाको फैसला भएको छैन । यदि सो अदालतले नवपरासीको भन्दा फरक फैसला सुनायो भने उनी जेल बस्ने अवधि तलमाथि हुनसक्छ । उस्तै प्रकृतिको मुद्दा र प्रमाणहरु भएकाले फरक फैसला नआउन सक्ने कानूनविद्हरु बताउँछन् ।