काठमाडौँ । भनिन्छ, “प्रतिभाले भूगोल चिन्दैन, मात्र अवसर र मेहनतको पर्खाइमा हुन्छ । “यो भनाइलाई चरितार्थ गर्दै सुदूरपश्चिमको विकट जिल्ला डोटी, बोगटान फुड्सिल गाउँपालिकाका १२ वर्षीय बालक प्रिन्स बमले राजधानीमा आयोजित एक भव्य समारोहका बीच ’सातौँ सगरमाथा म्यूजिक अवार्ड’ चुम्न सफल भएका छन् । बालप्रतिभा ९नृत्य० विधा अन्तर्गत कडा प्रतिस्पर्धालाई पछि पार्दै प्रिन्सले प्राप्त गरेको यो सफलताले यतिबेला उनको परिवार मात्र होइन, सम्पूर्ण सुदूरपश्चिम र बालकलाकारिता क्षेत्र नै गौरवान्वित बनेको छ ।

पूर्वराष्ट्रपति परमानन्द झाको हातबाट सम्मान
राजधानीको एक प्रतिष्ठित सभाहलमा आयोजित उक्त अवार्ड समारोहमा प्रिन्स बमले पूर्वउपराष्ट्रपति परमानन्द झाको हातबाट अवार्ड तथा प्रमाणपत्र ग्रहण गरेका थिए । नेपाली परम्परागत पोशाक ९दौरा–सुरुवाल र ढाका टोपी० मा सजिएका प्रिन्स जब मञ्चमा उक्लिए, उनको आत्मविश्वासी मुस्कान र आकर्षक व्यक्तित्वले हलमा उपस्थित सबैको ध्यान खिचेको थियो ।

पूर्वउपराष्ट्रपति झाका हातबाट सम्मान थाप्दै गर्दा उनको अनुहारमा देखिएको त्यो चमकले एउटा कुरा प्रष्ट पाथ्र्यो—यो ट्रफी केवल एक पुरस्कार मात्र होइन, उनको वर्षौँको साधना र सानै उमेरमा देखेको ठूलो सपनाको मूर्त रूप हो ।

विकटतालाई चिर्दै उदाएका तारा
डोटीको बोगटान फुड्सिल जस्तो विकट क्षेत्र, जहाँ अझै पनि आधारभूत सुविधाहरूको पहुँच कठिन छ, त्यहाँबाट निस्किएर राष्ट्रिय स्तरको अवार्ड जित्नु सामान्य कुरा होइन । प्रिन्सको यो यात्रा सङ्घर्ष र दृढ सङ्कल्पको अनुपम उदाहरण हो । १२ वर्षको कलिलो उमेरमै नृत्य विधामा उनले देखाएको पारङ्गतता र लगनशीलताले उनलाई आज यो स्थानमा पुरÞ्याएको हो ।

प्रिन्सको सफलतामा उनको परिवारको ठूलो योगदान रहेको छ । उनका अभिभावक भन्छन्, “आज प्रिन्सले हाम्रो शिर गर्वले उच्च बनाएको छ । उसको मेहनत र कलाप्रतिको लगावले आज हाम्रो सम्पूर्ण परिवार खुशीको आँसुमा डुबेको छ ।“

वरिष्ठ कलाकारहरूको साथ र प्रेरणा
प्रिन्सको यो साङ्गीतिक तथा नृत्य यात्रालाई अझ उचाइमा पुरÞ्याउन नेपाली कलाकारिता क्षेत्रका हस्तीहरूको पनि ठूलो हात रहेको छ । विशेषगरी चर्चित मोडल सनम कठायत र लोकप्रिय अभिनेता पल शाहको नाम प्रिन्सको सफलताको यात्रासँग जोडिएको छ । आफ्नो पहिलो म्यूजिक भिडियोमै अभिनेता पल शाहसँग काम गर्ने अवसर पाउनु र सनम कठायतको निरन्तरको मार्गदर्शनले प्रिन्सलाई प्राविधिक र कलात्मक रूपमा निखारिन मद्दत पुगेको देखिन्छ ।

सम्मान कार्यक्रममा प्रिन्सको परिवारले यी दुवै कलाकारप्रति विशेष आभार प्रकट गर्दै भनेका छन्, “हाम्रो छोराको प्रतिभालाई चिन्नुहुने र यो यात्रामा साथ दिनुहुने सनम कठायतज्यू र पल शाहज्यूप्रति हामी निकै आभारी छौं ।“

सकारात्मक ऊर्जाको प्रतिमूर्तिः प्रिन्स बम
प्रिन्सको यो जितले केवल एउटा ट्रफी मात्र ल्याएको छैन, यसले विकट ठाउँमा लुकेर बसेका हजारौँ बालप्रतिभाहरूलाई एउटा सकारात्मक सन्देश दिएको छ । यदि मनमा इच्छाशक्ति र शरीरमा मेहनत गर्ने तागत छ भने भूगोलले सफलतालाई रोक्न सक्दैन भन्ने उदाहरण प्रिन्स बनेका छन् ।

मञ्चमा प्रमाणपत्र र पुरस्कार समातेर उभिएका प्रिन्सको त्यो तस्बिरले एउटा भविष्यको ’सुपरस्टार’ को सङ्केत गर्दछ । उनले नृत्य विधामा देखाएको यो उत्साहले आगामी दिनमा नेपाली कला क्षेत्रमा अझ ठूला उपलब्धिहरू हासिल गर्ने विश्वास गरिएको छ ।

उज्ज्वल भविष्यको कामना
सगरमाथा म्यूजिक अवार्डको यो सातौँ संस्करण प्रिन्सका लागि केवल एउटा सुरुवात हो । उनको यो सफलता भविष्यका अझ ठूला मञ्चहरूका लागि खुड्किलो साबित हुने निश्चित छ । विकट डोटीबाट सुरु भएको यो यात्रा सगरमाथाको उचाइझैँ सधैँ अटल र उच्च रहोस् भन्ने कामना आयोजक र सुभचिन्तकहरूले गरेका छन् ।

सानै उमेरमा देखिएको यो मेहनत र अनुशासनलाई निरन्तरता दिँदै प्रिन्स बम भोलिका दिनमा नेपाली कला जगतको चम्किलो तारा बन्नेछन् भन्नेमा कसैको दुई मत छैन ।