एजेन्सी । श्रीलंकाका प्रधानमन्त्री रनिल विक्रमासिंघेले देशमा संकटकालको घोषणा गरेका छन् । राष्ट्रपति गोटाबाया राजापाक्षे देश छोडेर भागेपछि उनलाई कार्यवाहक राष्ट्रपतिमा नियुक्त गरिएको संसद्का सभामुखले जानकारी दिएका छन् ।
उनलाई राष्ट्रपति नियुक्त गरेसँगै देशव्यापी विरोध प्रदर्शन सुरु भएको बीबीसीले जनाएको छ । प्रधानमन्त्री कार्यालयबाहिर प्रदर्शनकारीलाई तितरबितर पार्न प्रहरीले अश्रुग्याँस प्रहार गरेको छ ।
राजधानी कोलम्बोसहितको पश्चिमी प्रान्तमा कर्फ्यु लगाइएको छ । यसअघि, राष्ट्रपति राजापाक्षे बिहानै मालदिभ्सका लागि आफ्नो श्रीमती र दुई सुरक्षा अधिकारीसहित देशबाट भागेर मालदिभ्स पुगेको समाचार सार्वजनिक भएको थियो ।
