एजेन्सी । बलिउडमा सुन्दर नायिकाको उपमा पाएकी श्रद्धा कपुर र नेपाली मुलका युवा रोहन श्रेष्ठ माल्दिभ्समा सँगै देखिएका छन् । यससँगै बलिउडका उनीहरुबीच चर्चा सुरु भएको छ ।

एउटा बिहेमा सहभागी हुने क्रममा रोहन माल्दिभ्स पुगेको र श्रद्धा पनि उही रहेको खबर भारतीय मिडियाहरुले छापिरहेका छन् । नेपाली मुलका रोहन र श्रद्धा प्रेममा रहेको कुरा अब कुनै रहस्य नरहेको उनीहरुको दाबी छ ।

बलिउड अभिनेत्री पद्मिनी कोल्हापुरेको छोराको विवाहमा सहभागी हुन माल्दिभ्स पुगेका उनीहरु दुवै केही फोटोमा सँगै देखिएका थिए ।

यसअघि बरुण धवनले विवाह गर्दा रोहनले बधाई दिएका थिए । त्यसको प्रतिक्रियास्वरुप वरुणले पनि सांकेतिकमा रुपमा रोहनलाई बधाई दिएका थिए । यसले गर्दा श्रद्धा र रोहन विवाह गर्ने तयारीमा रहेको चर्चा चलेको थियो ।

टाइम्स अफ इन्डियाले यो खबरको अझ थप पुष्टि गरेको छ । टाइम्स अफ इन्डियाले रोहनका बुवा राकेश श्रेष्ठसँग कुरा गरेको छ । जसमा उनले दुवैको परिवार छोरा–छोरीको निर्णयलाई स्वागत गर्न तयार रहेको बताएका छन् ।

टाइम्स अफ इन्डियाले यसअघि पनि श्रद्धा कपुरका बुवा शक्ति कपुरसँग यही विषयमा कुरा गरेको थियो । शक्तिले पनि छोरीले जे निर्णय गर्छिन् त्यसमा आफूले कुनै आपत्ति नजनाउने बताएका थिए ।