नेपालगञ्‍ज । बाँकेमा एकै परिवारका तीन जना सहित सात जनामा कोरोना देखिएको छ। बुधबार उनीहरुमा कोरोना संक्रमण पुष्टि भएको हो ।

जिल्ला स्वास्थ्य कार्यालय, बाँकेका अधिकृत एवं कोरोनाका फोकलपर्सन नरेश श्रेष्ठका अनुसार कोहलपुर–२ का श्रीमान् र श्रीमती तथा वडा नं. १२ मा बस्ने छोरामा कोरोना पुष्टि भएको हो ।

एकै परिवारका सात जनामा पीसीआर जाँच गर्दा तीन जनामा कोरोना देखिएको उहाँले बताउनुभयो । उनीहरु गत ३ गते भारतको दिल्लीबाट आएका थिए। भेरी अस्पताल, नेपालगञ्जको ल्याबमा गरिएको परीक्षणमा खजुरामा चार जनामा कोरोना देखिएको छ।

खजुरा गाउँपालिका वडा नं. ६ मा दुई जना, वडा नं. १ र २ मा एक÷एक जनामा कोरोना देखिएको छ । बुधबार देखिएका संक्रमितमा चार महिला र तीन पुरुष रहेका छन्।