२०८३, श्रावण ९ गते
- यो साता चर्चामा :
कोरोना भाइरस (कोभिड १९ )को महामारीले हाम्रो जीवनशैलीमा धेरै परिवर्तन गरिदिएको छ । कामकाज, सरसफाईसँगै खानपानको तौरतरिकामा समेत बदलिदिएको छ । यसैबीच, विश्व स्वास्थ्य संगठन (डब्लुएचओ)ले कोरोनाबाट खानपानका केही टिप्स दिएको छ :
स्वच्छतामा ध्यान दिनुुहोस्
खाना बनाउँनुअघि र खाना बनाउँदै गरेका वेला अनिवार्य हात धुनुहोस् ।
शौचालय गएपछि मज्जाले हात धुने गरौं ।
खाना बनाउँन प्रयोग गरिने भाँडा कुँडा र चुलो आदि राम्ररी सफा गर्नुहोस्, सकेसम्म स्यानिटाइज्ड गरौं ।
भान्साकोठा तथा घर वरिपरिका झिंगा, मच्चर आदि किरा वा अन्य जनावरको सम्पर्कबाट टाढा र सुरक्षित रहौं ।
काँचा खानेकुरालाई पकाएकासँगै नराख्नुस्
पोल्ट्री उत्पादन, काँचो मासु र सिफुड आदिलाई दोस्रा चिजबाट अलग राखौं ।
काँचा खानेकुरा काट्दा सकभर अलग चक्कु र चपिङ बोर्ड प्रयोग गरौं ।
पकाएको खाना र काँचा खानेकुराबीच सम्पर्क जगराउँनुहोस् । यी दुई चिज सकभर अलगअलग ठाउँमा राखौं ।
खानेकुरा राम्रोसँग पकाउँने गरौं
खासगरी, मासु, पोल्ट्री उत्पादन, अन्डा, सिफुड आदि राम्रोसँग पकाएर मात्र खाने गरौं ।
भेज वा चिकन सुप बनाउँदा उमाल्ने समय सुनिश्चित गर्नुस् । कम्तीमा ७० डिग्री सेल्सियससम्म अनिवार्य पकाऔं । पोल्ट्री उत्पादन वा अन्य मासुको झोलको गुलाबी रंग हट्नेगरी राम्रोसँग उमालौं । तापक्रम जाँच्न तपाईँ थर्मोमिटरसमेत उपयोग गर्न सक्नुहुनेछ ।
पकाएर राखेका खानेकुरा पुनः उपभोग गर्नुपरेमा राम्रोसँग तताउन आवश्यक छ ।
सुरक्षित तापक्रममा खानेकुरा सुरक्षित राखौं
पकाएका खानेकुरा कोठाको सामान्य तापक्रममा दुई घन्टाभन्दा बढी नराखौं ।
तयार गरेर राखेका र चाँडै बिग्रिने खालका खानेकुरा पाँच डिग्री सेल्सियसभन्दा कम तापक्रमको फ्रिजमा राखौं ।
खाना पस्किनुभन्दा पहिले त्यसलाई ठूलो आगोमा तताउनुहोस् । त्यसको तापक्रम ६० डिग्री सेल्सियसभन्दा धेरै हुन आवश्यक छ ।
फ्रोजेन फुड अथवा जमेका खानेकुरा कोठाको सामान्य तापक्रममा पग्लिनका लागि छोड्ने गरौं ।
सफा पानी र स्वच्छ भोजन सामग्री
सधैं स्वच्छ पानीको उपभोग गर्नुहोस् । यदि, यो उपलब्ध नभए यसलाई खानयोग्य बनाउने विधि प्रयोग गरौं ।
ताजा र पौष्टिक खाद्य सामग्री मात्र उपभोग गर्ने गरौं ।
सकभर सुरक्षित प्रोसेसिङ गरिएका खानेकुरा मात्र उपभोग गर्नुहोस् । उदाहरणका लागि, पास्चराइज्ड दूध आदि ।
काँचै खाने फलफुल र तरकारी राम्ररी धोएर मात्र उपभोग गरौं ।
खानेकुरा किन्दा एक्सपायर्ड मिति अनिबार्य हेर्नुहोस् । एक्सपायर भएका खानेकुरा उपभोग नगरौं ।
