काठमाडौं । नेपाली साहित्य क्षेत्रमा सक्रिय र प्रतिष्ठित लेखक रमेश दियालीको बहुप्रतीक्षित उपन्यास ‘भुसको आगो’ डिसेम्बर २८, २०२४, कोलम्बस, ओहायोमा औपचारिक रूपमा विमोचन भएको छ।

यो विशेष कार्यक्रम Biswakarma Society of America (BSA) ले आयोजना गरेको हो , जसमा कला, साहित्य, र संस्कृतिसँग जोडिएका चर्चित व्यक्तित्वहरूको सहभागिता रहनेको थियो। ‘भुसको आगो’ इन्डिगो इन्कद्वारा प्रकाशित उपन्यास हो, जसले समाजमा देखिने जटिल यथार्थ, प्रेम, संघर्ष, र पात्रहरूको गहिरो भोगाइलाई कलात्मक ढंगले प्रस्तुत गरेको छ।

लेखकका अनुसार, यो उपन्यास समाजको ऐना हो, जसले मानवीय सम्बन्ध र जीवनका यथार्थलाई नजिकबाट उजागर गर्छ।

कार्यक्रममा लेखक रमेश दियालीले उपन्यासबारे आफ्नो दृष्टिकोण प्रस्तुत गर्नुका साथै पाठकहरूसँग प्रत्यक्ष संवाद गर्ने अवसर हुनेछ। उपन्यासले नेपाली साहित्यमा महत्त्वपूर्ण योगदान पुर्‍याउने अपेक्षा गरिएको छ।