काठमाडौं। राष्ट्रपति रामचन्द्र पौडेलले संविधान कार्यान्वयन गरेर नेपाली जनताको अधिकार कार्यान्वयन गर्न संसदमा प्रतिनिधित्व गर्ने दलहरूलाई आग्रह गर्नुभएको छ ।

माघी पर्वको अवसरमा उपराष्ट्रपति, सभामुख, राष्ट्रियसभाका अध्यक्ष, संसद्मा प्रतिनिधित्व गर्ने दलका नेता, संघीय समितिका सभापतिसहितलाई राष्ट्रपति कार्यालयमा बोलाइ आयोजना गरेको शुभकामना आदानप्रदान कार्यक्रममा राष्ट्रपति पौडेलले नेपालको संविधान उत्कृष्ट भएर पनि नेपाली जनताले यसको लाभ उठाउन नपाउदा केही निराशा देखिएको बताउनुभयो ।

उहाँले नेपालीले मात्र नभएर विदेशीले समेत नेपालको संविधानलाई प्रशंसा गरिरहेको बताउनुभयो । यस्तै उहाँले संविधानले दिएका अधिकार कार्यान्वयनबाहेक नेपाली जनताको अर्को चाहना नभएको बताउनुभयो ।