काठमाडौं। नेपाली कांग्रेसले शिक्षा विधेयकमा भएका व्यवस्थाहरुबारे आफ्ना सांसदहरुलाई जानकारी गराउने भएको छ। सरकारले विद्यालय शिक्षा सम्बन्धी विधेयकको मस्यौदा संसद्मा पेस गरेको छ। तर विधेयकका विषयमा शिक्षकहरु भ्ने आन्दोलनमा उत्रिएका छन् ।

जारी केन्द्रीय कार्यसमिति बैठकमा नेताहरुले विधेयकप्रति जिज्ञासा राखेपछि प्रमुख सचेतक रमेश लेखकले संसदीय दलको कार्यालयले यसबारे जानकारी गराउन अलग्गै कार्यक्रम आयोजना गरेको जानकारी दिनुभयो ।

उहाँले सो कार्यक्रमको सन्दर्भमा दलको बैठक बसेर शिक्षा विधेयकसहितका कानूनी विषयमा जानकारी गराइने बताउनु भयो। हिजोदेखि जारी बैठकमा अधिकांश नेताहरुले विधेयकका विषयमा जिज्ञासा राखेका छन् ।