काठमाडौं । प्रधानमन्त्री पुष्पकमल दाहाल प्रचण्डले छाउनीस्थित सैनिक अस्पतालमा उपचाररत उपप्रधान तथा रक्षामन्त्री पूर्णबहादुर खड्काको स्वास्थ्य अवस्थाको जानकारी लिनुभएको छ ।

उहाँले आज साँझ अस्पताल पुगेर खड्काको शीघ्र स्वास्थ्य लाभको कामना गर्नुभएको हो। उपप्रधानमन्त्री खड्का स्वास्थ्य उपचार गराइरहनुभएको छ ।

खड्काको प्रोस्टेडको समस्याका कारण अपरेसन गरिएको छ । हाल उहाँको स्वास्थ्य अवस्था सामान्य रहेपनि चिकित्सकहरुले केही दिन आराम गर्नुपर्ने सुझाव दिएको बताइएको छ ।