काठमाडौं।नेपाली सेनाको डोल्पाका गुल्मपति विमल पण्डित सम्पर्कविहीन हुनु भएको छ । डोल्पाको दुनैस्थित नन्द बक्स गुल्मका प्रमुख रहनुभएका पण्डित हिजो साँझ देखी सम्पर्कविहीन हुनु भएको हो ।

हिजो साँझ ७ बजेबाट पण्डित सम्पर्कविहीन भएपछि खोजीमा सेनासहित नेपाल प्रहरीको टोली पनि परिचालन गरिएको डोल्पाका प्रमुख जिल्ला अधिकारी भूमिश्वर पोख्रेलले जानकारी दिनुभयो ।

उहाँले भन्नुभयो,‘बडीगार्डलाई पनि छाडेर एक्लै निस्किनुभएको हुँदा हिजोदेखि सम्पर्कमा नआएको खबर भएपछि खोजीमा टोली परिचालन गरेका छौं,अहिले नेटवर्कको पनि समस्या छ, त्यसैले खोजीमा केही जटिलता छ।’