२०८३, कार्तिक २५ गते
- यो साता चर्चामा :
काठमाडौं । नेकपा एमालेले संसद् अवरोध गर्ने आफ्नो चाहना नभएको प्रष्टीकरण दिएको छ ।
उच्चस्तरीय छानबिन समिति गठन गर्ने सहमतिपछि सिंहदबारमा सञ्चारकर्मीसँग कुरा गर्दै एमालेका प्रमुख सचेतक पदम गिरीले सरकार लचिलो भएर आएकाले आज सहमति भएको बताउनुभयो ।
यो आयोगले तथ्य प्रमाणले भेटे प्रधानमन्त्री, मन्त्रीदेखि उच्च पदस्थका व्यक्तिहरुमाथि पनि छानबिन गर्ने उहाँले बताउनुभयो।
नेता गिरीले भन्नुभयो, ‘हाम्रो चाहनाले संसद अवरोध भएको होइन सरकारको कारणले हो । हामीले जुन मागका साथ लडिरहेका थियौं त्यो पुरा भएको छ । भविष्यमा कुनै समस्या नआओस् यस्तो समस्या आयो भने प्रतिपक्षले उठाएको जायज मागहरु पुरा गरोस् ।’
एमालेले आयोगको माग राख्दै साउन १० गतेबाट संसद अवरोध गर्दै आइरहेको थियो ।
