काठमाडौं। प्रमुख प्रतिपक्षी नेकपा एमालेका सांसदहरूले प्रतिनिधि सभाको आजको बैठक अवरुद्ध पारेका छन्। आजको बैठक सुरु हुनासाथ सुरुमै एमाले सांसद ज्वालाकुमारी साहले बोलेलगत्तै अन्य सांसदहरूले नाराबाजी र वेल घेराउ गरेपछी संसद बैठक स्थगित भएको छ ।

उनीहरूले सुन प्रकरण छानबिन गर्न उच्चस्तरीय समिति गठनको माग गर्दै नाराबाजी र वेल घेराउ गरेका हुन्। उनिहरुको अबरोधपछी सभामुख देवराज घिमिरेले बैठक आगामी साउन २९ गते सोमबार दिउँसो १ बजे बस्ने गरी बैठक स्थगित गर्नुभयो ।