काठमाडौं।कोशी प्रदेशका कामचलाउ मुख्यमन्त्री हिक्मतकुमार कार्कीले काङ्ग्रेससँग मिलेर सरकार गठन गर्नका लागि एमाले तयार रहेको बताउनु भएको छ ।

विराटनगर विमानस्थलमा सञ्चारकर्मीसँग कुरा गर्दै कार्कीले प्रदेशको समृद्धिको लागि एमाले बाधक नहुने प्रस्ट पार्दै देशका ठूला दलहरू एमाले र काङ्ग्रेस मिलेर जान सक्ने बताउनु भएको हो। उहाँले भन्नुभयो, प्रजातन्त्र, सुशासनका लागि काङ्ग्रेससँग कुरा मिले हामीसँगै सरकार बनाएर जान सक्छौं । हामी ओपन छौं ।’

यस विषयमा कुराकानी भइरहेको बताउँदै कार्कीले भन्नुभयो, ‘मुख्यमन्त्री दिन हामी तयार छौँ । बहुमत नभएपछि मुख्यमन्त्री दिन पनि तयार हुनुपर्छ । तर कार्यकाल बाँड्ने कुरामा म सहमत छैन ।’

उहाँले नेकपा एमाले पनि बहुमत पु¥याएर सरकार गठनका लागि प्रदेश प्रमुखको कार्यालयमा जाने सक्ने बताउनु भयो । उहाँले एमालेले बहुमत पु¥याउनका लागि कोशी प्रदेश सभामा रहेका दलहरूसँग कुराकानी भइरहेको तर अहिलेसम्म फाइनल भइनसकेको बताउनु भयो।