२०८३, कार्तिक २५ गते
- यो साता चर्चामा :
काठमाडौं । आज बस्ने भनिएको नेपाली कांग्रेसको केन्द्रीय समितिको बैठक स्थगित भएको छ ।
प्रधानमन्त्री पुष्पकमल दाहाल प्रचण्डकी पत्नी सीता दाहालको निधनपछि कांग्रेस केन्द्रीय समितिको बैठक स्थगित गरिएको कांग्रेस प्रचार विभाग प्रमुख मीन विश्वकर्माले जानकारी दिनुभयो । केन्द्रीय समितिको बैठक साउन २ गतेदेखि बस्ने भएको छ ।
यस्तै, समाजवादी मोर्चाको बैठक पनि स्थगित भएको छ । आजका लागि तय भएको बैठक प्रधानमन्त्री पत्नीको निधनपछि स्थगित भएको नेकपा एसका उपाध्यक्ष प्रमेश हमालले बताउनुभयो ।
यसैबीच, राष्ट्रिय सभाको बैठक पनि भोलिका लागि सरेको छ । संसद सचिवालयले विशेष कारणवश बैठक सारिएको बताए पनि प्रधानमन्त्री पत्नी सीता दाहालको निधनका कारण आजको बैठक स्थगित गरेको बुझिएको छ ।
अहिले ११ बजेका लागि बोलाइएको आजको बैठकबाट आगामी आर्थिक वर्षको बजेट विधेयक पारित गर्ने तयारी थियो ।
