काठमाडौं । प्रधानन्यायाधीशमा हरिकृष्ण कार्की नियुक्त हुनुभएको छ। राष्ट्रपति रामचन्द्र पौडेलले संसदीय सुनवाइ सम्पन्न भई संवैधानिक परिषद्को सिफारिस अनुमोदन भएको पत्र पुगेपछि उहाँलाई प्रधानन्यायाधीश नियुक्त गर्नुभएको हो।
राष्ट्रपति कार्यालयले आज साँझ सवा ५ बजे कार्कीको शपथ राखेको छ । सर्वोच्चका प्रवक्ता विमलप्रसाद पौडेलका अनुसार प्रधानन्यायाधीशका रूपमा कार्कीले आजै कार्यभार सम्हाल्नुहुने छ । सर्वोच्चले कार्कीको कार्यभार ग्रहणमा पत्रकारहरूलाई निमन्त्रणसमेत गरेको छ ।
