२०८३, कार्तिक २५ गते
- यो साता चर्चामा :
काठमाडौं । नक्कली भुटानी शरणार्थी प्रकरणमा मुद्दा दर्ता गरिएकाहरुको आजदेखि अदालतमा बयान लिन थालिने भएको छ ।
गत बुधबार मुद्दा दायर गरिएका १६ जनाको काठमाठौं जिल्ला अदालतमा शुक्रबार बयान लिन सुरु गरिन लागेको हो । प्रहरीले उक्त प्रकरणमा ३० जनालाई प्रतिवादी बनाएको छ ।
प्रतिवादी बनाइएका १४ जना भने अहिले पनि फरार छन् । प्रहरीले पक्राउ परेकाहरुलाई हिरासतमा प्रारम्भिक बयान लिएर गत बुधबार अभियोजनपत्र दर्ता गरेको थियो ।
अब उनीहरुले न्यायाधीशसमक्ष बयान दिनेछन् । बयान सकिएपछि थुनछेकको बहस सुरु हुनेछ । थुनछेकको बहसपछि पक्राउ परेकाहरुलाई थुनामा राख्ने वा धरौटीमा रिहा गर्ने भन्ने आदेश हुनेछ ।
