काठमाडौं। संस्कृति,पर्यटन तथा नागरिक उड्डयनमन्त्री सुदन किराँतीले देश र जनतामाथि गद्धार गर्नेहरूलाई जेलमा हाल्नुपर्ने बताउनु भएको छ।आज काठमाडौंमा बाहिङ किरात मुलुखिमले आयोजना गरेको कार्यक्रममा मन्त्री किरातीले नक्कली भुटानी शरणार्थी प्रकरणले नेपाली सभ्यतामाथि नै धोका भएको पनि बताउनु भयो ।

नेपालीलाई सुख,नेपालको विकास र समृद्धि होस् भनेर लोकतन्त्र ल्याएको भन्दै उहाँले अहिले लोकतन्त्रमा लुटतन्त्र चलेको टिप्पणी गर्नुभयो। अब ढिलो नगरी ठूलाठूला भ्रष्टाचारका फाइलहरू खोल्नुपर्ने र यसमा आम नागरिकबीच एकता हुनुपर्नेमा उहाँले जोड दिनुभयो।

हिजो देशको गृह प्रशासन चलाउनेहरू नागरिकलाई शरणार्थी बनाएकै कारण जेलमा रहेको उहाँको भनाइ छ। अहिलेको शत्रु भ्रष्टाचार र अशिक्षा भएकाले यसको अन्त्य हुनुपर्ने उहाँले उल्लेख गर्नुभयो।कार्यक्रममा मन्त्री किरातीले बाहिङ–नेपाली–अंग्रेजी शब्दकोषको विमोचन समेत गर्नुभएको छ ।