काठमाडौं। पहिचानबादी पक्षधरहरुले कोशी प्रदेशका मुख्यमन्त्री हिक्मत कार्कीलाइ धनकुटाको भेडेटार जान अबरोध गरेका छन्। एमालेको कोशी प्रदेश भरीका केन्द्रिय सदस्यहरुको बैठकमा भागलिन जानेक्रममा अबरोध गरेपछि कार्की धनकुटा जान पाउनुभएन् ।

भेडेटारको नाम्जेमा एमालेले आयोजना गरेको कार्यक्रममा एमाले स्थायी समिति सदस्य समेत रहुभएका मुख्यमन्त्री कार्की नाम्जे जाने कार्यक्रम रहेको थियो। मुख्यमन्त्री नाम्जे जाने भएपछी सुनसरी प्रहरीले धरान, इटहरी, दुहबी र चारकोसे जङ्गलमा ब्यापक प्रहरी परिचालन गरेको थियो ।

तर, कोशी प्रदेश खारेजीको माग राखेर पहिचानवादीहरु सडकमा आन्दोलन गर्न थालेपछि मुख्यमन्त्रीको धनकुटा जाने कार्यक्रम स्थगित भएको प्रहरीले बताएको छ। पहिचानवादीहरुले धरानको विभिन्न स्थानमा भेला भएर मुख्यमन्त्रीविरुद्ध पर्दशन गरेका थिए।