काठमाडौं । राष्ट्रिय स्वतन्त्र पार्टीका सांसद रवि लामिछानेले तत्काल सरकारमा जाने विषयमा कुनै निर्णय नभएको बताउनुभएको छ ।आज शपथ ग्रहणपछि पत्रकारसँग कुराकानी गर्दै सांसद लामिछानेले सरकारमा सहभागी हुनेबारे तत्काल नसोचेको बताए।

उनले भने,’तत्काल सरकारमा जाने कुनै निर्णय भएको छैन। यसबारे पार्टी र संसदीय दलको बैठक बसेर गम्भीर समीक्षा गर्छौं।’उहाँले आफूहरू देशमा अस्थिरता नहोस् भन्ने पक्षमा रहेको बताउनुभयो।

आँफु निर्वाचित भएपछी प्रधानमन्त्री प्रचण्डले आफूलाई बधाइ दिन फोन गरेको बेला सामान्य कुराकानी भएको बताउनुभयो । कुराकानीमा सरकारलाई दिएको समर्थनबारे केही छलफल भएपनि त्यसबारे गम्भीर छलफल नभएको उहाँले प्रष्ट पार्नुभयो ।