२०८३, श्रावण २८ गते
- यो साता चर्चामा :
काठमाडौं।मोरङमा ट्याक्टर दुर्घटना हुँदा एक जना वृद्धाको मृत्यु भएको छ,भने १८ जना घाइते भएका छन्।
मोरङको रंगेली नगरपालिका ३ आमतोलाको भित्री सडकखण्ड हुँदै पूर्वतर्फ जाँदै गरेको प्रदेश १.०१.००१ त ९५५३ नम्बरको ट्याक्टर आफैँ अनियन्त्रित भएर बिहान १०ः१० बजे दुर्घटनामा परेको हो ।
मोरङ प्रहरीका प्रवक्ता डीएसपी रन्जनकुमार दाहालका अनुसार दुर्घटनामा मोरङको ग्रामथान गाउँपालिका ५ की ६० वर्षीया वैशाखी चौधरीको घटनास्थलमै मृत्यु भएको छ। अन्य १८ जना घाइते घाईते भएका छन्।
घाइतेमध्ये केहीको अवस्था गम्भीर छ। घाइतेहरुको रंगेली र विराटनगरका विभिन्न अस्पतालमा उपचार भइरहेको छ। दुर्घटनालगत्तै ट्याक्टर चालक ग्रामथान ५ का अन्दाजी ३१ वर्षीय बालक माझी फरार छन्।
चालकको खोजी तीव्र पारिएको डीएसपी दाहालले बताउनुभो। रंगेलीमा रहेको सन्सारीमाई मन्दिरमा पूजाका लागि तेतरियाबाट हिँडेकाहरु सवार ट्याक्टर दुर्घटनामा परेको हो।
