काठमाडौं । नेपाल राष्ट्र बैंकका गभर्नर महाप्रसाद अधिकारीले मुलुकको अर्थतन्त्र बलियो बन्दै गएको भन्दै सानातिना धक्काले असर नगर्ने घोषण गर्नुभएको छ ।

खस्कँदो अर्थतन्त्र सुधारउन्मुख रहेको भन्दै उहाँले दाबी गर्नुभएको हो । वर्तमान आर्थिक र वित्तीय स्थितिबारे राष्ट्र बैंकका गर्भनर अधिकारीले आज आयोजना गरेको पत्रकार सम्मेलनमा यस्तो बताउनुभएको हो ।

‘समग्रमा हाम्रो वित्तीय संस्थाहरू सुरक्षित छन्। साउन्ड छ। र, सानोतिनो धक्काले कहीँकतै अप्ठ्यारो पर्ने अवस्था हामी देख्दैनौँ,’ अधिकारीले भन्नुभयो, ‘हाम्रो बजार अभ्यास र नियमाक निकायको महत्त्वपूर्ण योगदान रहेको छ। बैंक तथा वित्तीय संस्थाको पुँजी प्रयाप्तता हामीले नियमाकिय हिसाबले तोकेको न्यूनतम आवश्यक अनुपात भन्दा बढी नै रहेको छ।’