२०८३, श्रावण २८ गते
- यो साता चर्चामा :
काठमाडौं। राष्ट्रिय स्वतन्त्र पार्टी रास्वपाका प्रतिनिधिसभा सदस्य हरि ढकालले देशमा संस्थागत भ्रष्टाचार जरैसम्म पुगेको गुनासो गर्नुभएको छ ।
आज प्रतिनिधिसभा बैठकको आकस्मिक समयमा बोल्दै ढकालले देशमा भ्रष्टाचार संस्थागत रुपले मौलाउँदै गएर विदेशबाट ल्याइने शवमा समेत भ्रष्टाचार हुने गरेको बताउनु भएको हो ।
उहाँले विमानस्थलमा विदेशबाट शव ल्याइएका बाकसमा समेत केही गरगहना छ कि भनेर लुट्नका लागि फुटाइने गरेको भन्दै भ्रष्टाचार जरैसम्म पुगेको पुष्टी हुने बताउनुभयो।
ढकालले गरिब चेपाङ बच्चालाई दिइने दिवा खाजामा समेत भ्रष्टाचार हुने गरेको भन्दै यो सबैको कारण बेथिति भएको दोहोराउनुभयो ।
