२०८३, श्रावण २८ गते
- यो साता चर्चामा :
काठमाडौं। सरकार र मिटरब्याजी पीडितका प्रतिनिधिबीचको वार्ता सकिएको छ। गृहमन्त्रालयमा भएको छलफलमा पीडितहरुले आफ्नो तर्फबाट लिखित माग राखेका छन् ।
सरकारी टोलीबाट वार्ताको नेतृत्व गर्नुभएकी गृहमन्त्रालयका सहसचिव रुद्रादेवी शर्माले पीडितहरुले आफ्ना माग राखेको र पुनः ६ बजे बस्नेगरी दिउँसोको छलफल सकिएको जानकारी दिनुभयो ।
दिउँसोको छलफलमा आ–आफ्ना धारणा राख्ने काम भएको नेपाल समाजवादीका नेता रामरिजन यादवले पनि जानकारी दिनुभयो । मिटरब्याज पीडितहरु ११ दिन पैदल हिँडेर यही साता काठमाडौ आएका थिए ।
सरकारले मिटर व्याजलाई अपराध घोषणा गर्दै कानुन संशोधन गरेर मिटर व्याजीलाई कारवाही र पीडितलाई क्षतिपुर्ति दिनेगरी कानुन बनाउने तयारी गरेको छ ।
