काठमाडौं । संघीय लोकतान्त्रिक गणतन्त्र नेपालको तेस्रो उपराष्ट्रपति चयनका लागि मतदान जारी छ। बिहान १० बजेदेखि सुरु भएको मतदानको पछिल्लो अपडेटअनुसार दिउँसो २ बजेसम्म ८ सय १६ जनाले मतदान गरेका छन्।
निर्वाचन अधिकृतको कार्यालयका अनुसार संघीय संसद् ९प्रतिनिधि सभा र राष्ट्रिय सभा०का सदस्यमध्ये २९८ जनाले आफ्नो मत व्यक्त गरेका छन्। यस्तै, ७ वटै प्रदेश सभाका सदस्यमध्ये ५१८ जनाले आफ्नो मत व्यक्त गरेका छन्।
संघीय संसद्का ३३२ जना सदस्यले मतदान गर्नेछन् भने ७ वटै प्रदेश सभाका ५५० जना सदस्यले मतदान गर्नेछन्। बिहान १० बजेबाट सुरु भएको मतदान ३ बजेसम्म जारी रहनेछ।
उपराष्ट्रपतिमा सत्ता गठबन्धनका तर्फबाट जसपाका नेता रामसहायप्रसाद यादव उम्मेदवार छन् । एमालेबाट अष्टलक्ष्मी शाक्य र जनमतबाट ममता झा उम्मेदवार बनेका छन् ।
