काठमाडौं। रेस्टुरेन्टको ६ तलाबाट खसेर एकीकृत समाजवादीका अध्यक्ष माधव नेपालका भाइ सरोज उपाध्यायको निधन भएको छ। एकीकृत समाजवादीका नेता समेत रहनुभएका उपाध्याय शंखमुलस्थित रेष्टुरेन्टको ६ तलाबाट खसेर ज्यन गएको प्रहरीले जनाएको छ ।

एकीकृत समाजवादीका उपमहासचिव विजय पौडेलका अनुसार उपाध्यायलाई तत्काल उद्दार गरेर सिभिल अस्पताल लगिएको थियो ।

त्यहाँबाट अन्नपूर्ण अस्पताल लगिएको महानगरीय प्रहरी परिसर, काठमाडौंका एसएसपी दानबहादुर कार्कीले जानकारी दिनुभयो। थप विवरण आउन बाँकी रहेको कार्कीले बताउनु भएको छ ।