काठमाडौं। नेकपा एकीकृत समाजवादीले सचिवालय बैठक बोलाएको छ। आज दिउँसो १ बजे पार्टी केन्द्रीय कार्यालयमा सचिवालय बैठक बस्ने महासचिव डा।बेदुराम भुसालले जानकारी दिनुभयो ।

उहाँका अनुसार, पार्टी अध्यक्ष माधवकुमार नेपालले अहिलेसम्म गरेका भेटवार्ता र विकसित राजनीतिक घटनाक्रमबारे ब्रिफिङ गर्ने कार्यसूची छ। राष्ट्रपतिको निर्वाचनबारे निर्णय गरेर अगाडि बढ्ने पनि भुसालले बताउनुभयो ।

अध्यक्ष नेपाललाई नेकपा एमालेले राष्ट्रपतिको उम्मेदवार बन्न प्रस्ताव गरेको छ। एमालेको प्रस्तावलाई चासोका साथ हेरिएको छ। यस विषयमा पनि आजको बैठकले छलफल गर्न सक्ने आँकलन छ ।