काठमाडौं। नेपाली कांग्रेसका सभापति शेरबहादुर देउवा र नेकपा एकीकृत समाजवादीका अध्यक्ष माधव कुमार नेपालबीच भेटवार्ता भएको छ। देउवालाई भेट्न अध्यक्ष नेपाल देउवा निवास धुम्बाराही पुग्नुभएको थियो।

दुई नेताबीच पछिल्लो राजनीतिक घटनाक्रमका साथै आगामी राष्ट्रपति निर्वाचन र उपराष्ट्रति निर्वाचनका विषयमा छलफल भएको छ।देउवाले नेपाली कांग्रेसले राष्ट्रपतिमा उमेदवारी दिने र त्यसमा सहयोग गर्न अध्यक्ष नेपाललाई आग्रह गर्नुभएको छ।

जवाफमा नेपालले पार्टीमा छलफल गरेर कांग्रेसले राष्ट्रपतिमा उठाएको उमेदवारलाई सहयोग र समर्थन गर्ने उपराष्ट्रपतिमा भने आफ्नो पार्टीको दावी रहने बताउनुभयो ।

उपराष्ट्रपतिमा माओवादी केन्द्रलेसमेत दावी गर्दै आएकाले यस विषयमा थप छलफल गरेर निश्कर्षमा पुग्ने देउवाले जवाफ दिनुभयो । राष्ट्रपतिको निर्वाचन आगामी फागुन २५ गते हुँदैछ। सत्ता गठबन्धन र सत्ता बाहिरका दलहरु अहिले छलफलमा जुटेका छन्।