२०८३, कार्तिक २६ गते
- यो साता चर्चामा :
काठमाडौं । चितवन क्षेत्र नं. २ बाट संघीय संसदमा निर्वाचित भई सांसद पद खारेज भएका रवि लामिछाने विरुद्ध आज फेरि अर्को उजुरी दर्ता हुने भएको छ ।
गत निर्वाचनमा लामिछानेसँग नेपाली कांग्रेसको तर्फबाट प्रतिश्पर्धा गर्नु भएका उमेश श्रेष्ठले आज उजुरी दर्ता गर्न लाग्नु भएको हो ।
उजुरी दर्ताका लागि उहाँ विहान साढे ११ बजे निर्वाचन आयोगको केन्द्रीय कार्यालय जाने तयारी गर्नु भएको श्रेष्ठको सचिवालयले जनाएको छ ।
लामिछानेको उम्मेदवारी नै अवैध भएकाले उहाँपछि धेरै मत आफूले ल्याएकाले आफुलाई सांसदमा निर्वाचित भएको घोषणा गर्नुपर्ने माग उहाँले उजुरीमा गर्नुहुने भएको छ ।
पूर्व राज्यमन्त्री समेत रहनु भएका श्रेष्ठले लामिछानेसँगको प्रतिश्पर्धामा दोस्रो हुनु भएको थियो । उहाँले निर्वाचन अगाडि पनि लामिछानेको उम्मेदवारी अबैध भएको दावी गर्दै आउनु भएको थियो ।
