काठमाडौं। प्रदेश १ को नाम राख्ने विषयमा प्रधानमन्त्री पुष्पकमल दाहाल प्रचण्डले चासो व्यक्त गर्नुभएको छ।देशका अन्य सबै प्रदेशले नामाकरण टुङ्गाएको लामो समय भैसक्दा पनी प्रदेश १ ले नामाकरण गर्न सकेको छैन ।

यसै सन्दर्भ छलफल गर्न प्रदेश १ का मुख्यमन्त्री हिक्मतकुमार कार्की आज बिहान प्रधानमन्त्री प्रचण्डलाई भेट्न बालुवाटार पुग्नुभएको थियो। भेटमा सरकारको काम र विकास निर्माणबारे र प्रदेशको विकास र प्रदेशलाई मजबुत बनाउने विषयमा छलफल भएको जानकारी दिनुभयो ।

प्रधानमन्त्री प्रचण्डले प्रदेशलाई मजबुत बनाउन शिक्षा, निजामती र प्रहरी ऐन चाँडै ल्याउने आश्वासन दिनुभएको छ । ६ वटा प्रदेशले आफ्नो नाम राखिसक्दा पनि प्रदेश १ ले नाम राख्न नसकेपछी तिब्र आलोचना समेत हुदै आएको छ ।