२०८३, कार्तिक २६ गते
- यो साता चर्चामा :
काठमाडौं।लोकतान्त्रिक समाजवादी पार्टीका अध्यक्ष महन्थ ठाकुरले राष्ट्रिय स्वतन्त्र पार्टीका सभापति रवि लामिछानेलाई फेरी गृहमन्त्री बनाउन नहुने बताउनुभएको छ ।
महोत्तरीमा आज पत्रकारसँग कुराकानी गर्दै लोसपा अध्यक्ष ठाकुरले पासपोर्टमाथि पनि कानुनी प्रश्न उठेकोले अनुसन्धान नगरी लामिछानेलाई गृहमन्त्री बनाउन नहुने बताउनुभएको हो ।
नागरिकता सन्दर्भमा सर्वोच्च अदालतले निर्णय गरेको र अब पासपोर्टको कुरोमा अनुसन्धान गर्ने बाटो खुलेको पनि ठाकुरको भनाइ छ।
सर्वोच्च अदालतले लामिछानेलाई नागरिकता विवादमा दोषी ठहर गरेपछि सबै पद गुमाउनुभएका लामिछानेले प्रक्रिया पूरा गरेर पुनः नागरिकताको प्रमाणपत्र लिइसक्नुभएको छ ।
नागरिकता पुनः कायम भएपछि उहाँ राष्ट्रिय स्वतन्त्र पार्टीको सभापतिमा पुनः चयन भएर फेरी गृहमन्त्रालय नै पाउनुपर्ने नत्र सरकारबाटै बाहिरीने चेतावनी दिदै आउनुभएको छ ।
