काठमाडौं।नेकपा एमालेका अध्यक्ष केपी शर्मा ओलीले विचारमा संगठित भएर संगठनलाई अगाडि बढाउनुपर्ने बताउनुभएको छ ।

आज पार्टी कार्यालयमा आयोजित विशेष अनुशिक्षण कार्यक्रममा बोल्दै गलत र अनुचित विचार हटाएर सहि आचरण स्थापित गर्नुपर्नेमा अध्यक्ष ओलीले जोड दिनुभयो ।

उहाँले जनता केन्द्रीत, सुशासन केन्द्रीत गरेर योजना बनाउनुपर्ने धारणा राख्नुभयो। वैयक्तिक स्वार्थका विषय संस्थाको समस्या नहुने बताउँदै ओलीले देश, जनता, सुशासनकेन्द्रीत विचार राख्दा सफल हुने उल्लेख गर्नुभयो ।

उहाँले एमाले पार्टी दलबलले अगाडि बढ्ने पार्टी नभई विचारले अगाडि बढेको पार्टी भएको बताउदै कार्यकर्तालाई वैचारिक हतियारबाट सु सञ्जित गर्न अनुशिक्षण कार्यक्रम आयोजना गरिएको स्पष्ट पार्नुभयो ।