काठमाडौं। नेपाली कांग्रेसका बरिष्ठ नेता रामचन्द्र पौडेलले सभामुख पद चुनौतीपूर्ण रहेको भन्दै यसलाई सन्तुलन मिलाएर अगाड बढ्न आग्रह गर्नुभएको छ ।

आजको प्रतिनिधि सभा बैठकमा सभामुख तथा उपसभामुखमा निर्वाचित सांसदलाई बधाई दिँदै पौडेलले सभामुख पद गम्भीर र चुनौतीपूर्ण रहेको बताउनुभयो ।

उहाँले पक्ष र विपक्षलाई सन्तुलन मिलाएर लैजान कठिन हुने भन्दै त्यसलाई मिलाएर काम गर्न सुझाव दिनुभएको हो । बेलाबेला अतिरञ्जित कुरा आउने बताउँदै उहाँले त्यसलाई सभामुखले आफ्नो कौशल देखाएर सम्बोधन गर्नुपर्नेमा जोड दिनुभयो ।