काठमाडौं । नेपाली कांग्रेसका महामन्त्री विश्वप्रकाश शर्माले प्रधानमन्त्रीलाई नेकपा एमालेका अध्यक्ष केपी शर्मा ओलीले पि‌ँजडामा राख्न खोजेको आरोप लगाउनुभएको छ ।

आज बसेको प्रतिनिधि सभाको बैठकमा ईश्वरी न्यौपानेलाई सभामुख बनाउने प्रस्ताव राख्दै कांग्रेस महामन्त्री शर्माले प्रधानमन्त्रीलाई विश्वासको मत दिएर कांग्रेसले ढोक्सा थापेको भन्ने एमाले अध्यक्ष केपी शर्मा ओलीको अभिव्यक्तिको प्रतिवाद गर्नुभएको हो ।

प्रतिवादमा प्रधानमन्त्रीलाई पिँजडामा राख्न नखोज्न चेतावनी दिदै शर्माले खबरदारी समेत गर्नुभयो । एमाले अध्यक्ष ओलीले प्रधानमन्त्री पुष्पकमल दाहाल प्रचण्डलाई कांग्रेसले समर्थन गर्ने भएपछि विश्वासको मत लिने दिन कांग्रेसले ढोक्सा र जाल थापेको आरोप लगाउनुभएको थियो ।