२०८३, कार्तिक २६ गते
- यो साता चर्चामा :
काठमाडौं । संसदको पहिलो बैठकमा आज नेकपा एकीकृत समाजवादी र नागरिक उन्मुक्ति पार्टी पनि कांग्रेससँगै प्रतिपक्षी बेञ्चमा बसेका छन् ।
आज केही समय अगाडी सुरु भएको प्रधानमन्त्री पुष्पकमल दाहाल प्रचण्ड नेतृत्वको बर्तमान सरकारको पहिलो संसद बैठकमा एकीकृत समाजवादी र नागरिक उन्मुक्ति पार्टीका सांसद प्रतिपक्षको बेञ्चमा बसेका हुन् ।
एकीकृत समाजवादीका १० सांसद छन् भने नागरिक उन्मुक्ति पार्टीका ४ सांसद छन् । नागरिक उन्मुक्ति पार्टीले सरकारलाई समर्थन गरे पनि रेशम चौधरीको रिहाई नभएसम्म सरकारमा नजाने बताएको छ ।
यही कारण नागरिक उन्मुक्ति पार्टीकी अध्यक्ष रञ्जिता चौधरी संसदको प्रतिपक्षमा बस्नुभएको हो भने एकीकृत समाजवादीका अध्यक्ष माधव नेपाल पनि संसदको प्रतिपक्षको बेञ्चमा बस्नुभएको छ।
