२०८३, श्रावण ११ गते
- यो साता चर्चामा :
काठमाडौं । सत्तारुढ नेपाल कम्युनिष्ट पार्टी (नेकपा) प्रवक्ता नारायणकाजी श्रेष्ठले कोभिड–१९ स्वयंसेवा टिम गठन गर्नुभएको छ । आज टिम गठन गर्दै श्रेष्ठले कोरोनाको संक्रमण नियन्त्रणका लागि सरकारले आफ्नो कामलाई प्रभावकारी बनाउनुपर्ने बताउनुभएको छ ।
सरकारको प्रयासलाई सफल बनाउन र संक्रमणबाट समाजलाई बचाउन सबैले आफ्नो ठाउँबाट सहयोग गर्नु पर्ने भएकाले स्वयंसेवा गठन गरेको उहाँले बताउनुभयो ।
श्रेष्ठको निजी सचिवालयअन्तर्गत गठित कोभिड–१९ स्वयंसेवाले कोभिड उपचारसम्बन्धि प्रकिया र उद्धारमा सहजीकरणका साथै मनोसामाजिक र आपतकालीन स्वास्थ्य परामर्श दिनेछ ।
साथै, आप्रवासी श्रमिक उद्धार तथा सुरक्षित घर फिर्तिमासमेत टिमले समन्वय गर्ने बताइएको छ ।
