२०८३, कार्तिक २६ गते
- यो साता चर्चामा :
काठमाडौं ।वर्तमान सत्ता गठबन्धनमा एकीकृत समाजवादीलाई पनि भित्र्याउन एमाले अध्यक्ष केपि शर्मा ओली लचक देखिनुभएको छ।
प्रधानमन्त्री एवम् नेकपा माओवादी केन्द्रका अध्यक्ष पुष्पकमल दाहाल(प्रचण्ड) र एमाले अध्यक्ष केपी शर्मा ओलीबीच आज बिहान बालुवाटारमा भएको छलफलमा एकीकृत समाजवादीलाई पनि भित्राउने विषयमा कुराकानी भएको थियो ।
झण्डै दुई घण्टा भएको छलफलमा प्रधानमन्त्री प्रचण्डले माधव नेपाललाई गठबन्धनमा ल्याउनुपर्ने प्रस्ताव ओलीसमक्ष राख्नुभएको थियो। प्रचण्डको सो प्रस्तावमा ओलीले लचकता देखाउनुभएको हो ।
हिजो मात्रै नेकपा एकीकृत समाजवादीका अध्यक्ष माधवकुमार नेपालले उच्चस्तरीय राजनीतिक नेतृत्वबीच सहमति जुटे प्रधानमन्त्री प्रचण्डलाई विश्वासको मत दिन सकिने बताउँदै सरकारमा सहभागी हुने विषयमा आफूहरू ‘पर्ख र हेर’को अवस्थामा रहेको उल्लेख गर्नुभएको थियो ।
प्रचण्ड नेतृत्वको सरकारमा सहभागी हुन नेपाललाई सत्तारुढ दलका अन्य नेताहरूले पनि आग्रह गर्दै आएका छन्।
