काठमाडौं । लोकतान्त्रिक समाजबादी पार्टी लोसपा सरकारमा जाने तयारीमा रहेको छ । सरकारमा सहभागिता बारे आफुहरु प्रष्ट रहेको अध्यक्ष महन्थ ठाकुरले बताउनुभयो ।

लोसपा सरकारमा जान तयार देखिए पनि जनता समाजबादी पार्टी जसपा नेपालमा सरकारमा सहभागिताबारे दुई धार रहेको छ ।

कार्यकारी अध्यक्ष उपेन्द्र यादव पक्षको सरकारमा जानु पर्ने मत छ । तर संघीय परिषद् अध्यक्ष अशोक राई पक्षले भने पार्टीले पराजय बेहोरेकाले सरकारमा जान नहुने बताउँदै आएको छ ।

नेता राजकिशोर यादवका अनुसार सरकारमा सहभागिताबारे पार्टी भित्र कुनै औपचारिक छलफल भएको छैन ।

लोसपा सहित जनमत र नागरिक उन्मुक्ति पार्टीलाई काँग्रेसले अब बन्ने सरकारमा सहभागि गराउने कसरत गरे पनि जसपासँग कुनै औपचारिक कुरा भएको छैन ।