काठमाडौं । नेकपा एमालेको सचिवालय बैठक आज बस्दै छ । एमालेका प्रचार विभाग प्रमुख पृथ्वीसुब्बा गुरुङका अनुसार समसामयिक राजनीतिक विषयवस्तुमा छलफल हुने छ ।

बैठकमा समानुपातिकतर्फका सांसदको छनोट, निर्वाचन समीक्षालगायतका विषयमा छलफल गरिने उहाँले बताउनुभयो ।

निर्वाचन आयोगले बुधबार राजनीतिक दललाई पत्र पठाउँदै समानुपातिकतर्फको सांसदको नाम पठाउन निर्देशन दिएको छ । एमालेले प्रतिनिधिसभाको प्रत्यक्ष निर्वाचनमा ४४ सिट र समानुपातिकतर्फ ३४ सिट प्राप्त गरेको छ ।