२०८३, कार्तिक २६ गते
- यो साता चर्चामा :
काठमाडौं । नेपाली कांग्रेसका नेता एवं स्याङ्जा क्षेत्र न १ (ख) प्रदेशसभा सदस्य पदका उम्मेदवार बुद्धिबहादुर राना (कुमार)ले निर्वाचनको नतिजा स्वीकार्य नभएको बताउनुभएको छ ।
उहाँले मतगणना गर्ने क्रममा ८ मत हराएको भन्दै पुनः मतगणना गरेर मात्रै नतिजा सार्वजनिक गर्नुपर्ने बताउनुभएको छ ।
भर्खरै सकिएको मतपरिणामअनुसार नेकपा (एमाले)का सुधीर पौडेल निर्वाचित हुनुभएको छ। उहाँले नेपाली कांग्रेसका बुद्धिबहादुर राना (कुमार)लाई ६ मतले पराजित गर्नुभएको थियो ।
रानाले १७ हजार ४ सय ३५ मत प्राप्त गर्दा पौडेलले १७ हजार ४ सय ४१ मत प्राप्त गर्नुभएको छ । रानाले आफ्नो ८ मत हराएकोले पुनरावेदनमा समेत जाने बताउनुभएको छ ।
निर्वाचन अधिकृतको कार्यालयले जबरजस्ती नतिजा घोषणा गरेको खण्डमा स्वीकार्य नहुने पनि रानाले बताउनुभएको छ ।
