काठमाडौं। एकीकृत समाजवादीको विद्यार्थी संगठन अखिल नेपाल राष्ट्रिय स्वतन्त्र विद्यार्थी यूनियनले आसन्न निर्वाचनलाई लक्षित गरी ‘एक बुथ एक सय विद्यार्थी युथ’ परिचालन गर्ने भएको छ ।

निर्वाचन परिचालनका लागि यूनियनले अध्यक्ष सुदेश पराजुलीको नेतृत्वमा १ हजार १११ सदस्यीय जनपरिचालन समिति गठनसमेत गरेको छ ।

यी युवाहरुले निर्वाचन केन्द्रका बुथमा आउने मतदातालाई जागरण, सुरक्षा, पार्टी तथा गठबन्धनका उम्मेदवारको पक्षमा प्रचार प्रसार तथा चुनाव भाँड्ने षडयन्त्रलाई रोक्ने मुख्य जिम्मेवारी रहने अध्यक्ष पराजुलीले जानकारी दिनुभयो ।

केन्द्रबाट ल्याइएको यो अवधारणालाई ७७ वटै जिल्ला कमिटी, प्रदेश कमिटी र महानगर कमिटीलाई कार्यान्वयन गर्न भनिएको अध्यक्ष पराजुलीले जानकारी दिनुभयो ।