काठमाडौं । नेपाली कांग्रेसको शेखर कोइराला समूहका नेताहरू आज छलफल गरेका छन् ।
उनीहरूले सभापति शेरबहादुर देउवाले पार्टीमा न्यायोचित व्यवहार नगरेको भन्दै अब भागवण्डा खोज्नुपर्ने अवस्था आएको बताएका छन् ।
छलफलपछि पत्रकारहरूसँग कुरा गर्दै नेता गुरुराज घिमिरेले सभापति देउवाको अहिलेसम्मको व्यवहारले आगामी संसदीय निर्वाचनमा पनि न्यायोचित व्यवहार गर्ने नदेखिएको बताउनुभयो ।
न्यायोचित निर्णय नहुने भए भागवण्डामा जानुपर्ने उहाँले बताउनुभयो । न्यायोचित निर्णय नगरे ४० प्लस दाबी गर्ने घिमिरेले बताउनुभयो । सभापतिको अभिभावकीय ठाउँबाट सोचेर अगाडि बढाउनुभएको भए यो विवाद नआउने समेत उहाँले बताउनुभयो । अब अस्तित्वको लडाइ लड्नुपर्ने उहाँको तर्क छ ।
