२०८३, कार्तिक २६ गते
- यो साता चर्चामा :
काठमाडौं । नेपाली कांग्रेस (बीपी)ले आगामी मंसिर ४ गते हुने आम निर्वाचनमा प्रदेश तथा प्रतिनिधिसभाका सबै निर्वाचन क्षेत्रमा उम्मेदवार उठाउने निर्णय गरेको छ ।
सोमबार बसेको केन्द्रीय पदाधिकारीको बैठकले सबै निर्वाचन क्षेत्रमा पार्टीको तर्फबाट उमेदवार उठाउने निर्णय गरेको प्रवक्ता शिव सिम्खडाले जानकारी दिनुभयो ।
उहाँका अनुसार आम निर्वाचनको सन्दर्भमा केन्द्रीय कार्यालय सञ्चालन गर्न सहमहामन्त्री जगन्नाथ घिमिरेलाई तोकिएको छ । यस्तै बैठकले निर्वाचन परिचालन गर्नका लागि केन्द्र, प्रदेश र जिल्लास्तरमा कमिटीहरु गठन गर्ने निर्णय पनि गरेको छ ।
बैठकले हालको तरुण दल बीपीको नाम परिर्वतन गरी नेशनल युथ कांग्रेसको नामकरण गरेको प्रवक्ता सिम्खडाले जानकारी दिनुभयो । यस्तै पार्टीको उदयपुर जिल्ला संयोजकमा प्रशान्त कुमार राईलाई मनोनयन गरिएको छ ।
