२०८३, कार्तिक २६ गते
- यो साता चर्चामा :
काठमाडौं । नेकपा एमालेले काठमाडौंमा महँगीविरुद्ध आज (सोमबार) विशाल प्रदर्शन गर्ने भएको छ ।
महँगीका कारण नागरिकको जीवन कष्टकर बनेको र सरकारले त्यसलाई नियन्त्रण गर्न कुनै कदम नचालेको भन्दै प्रदर्शन गर्न लागिएको एमालेले जनाएको छ । सोमबार दिउँसो २ बजे काठमाडौंको वसन्तपुरमा महँगीविरुद्ध प्रदर्शन र सभा आयोजना हुने भएको छ । सभाअघि विभिन्न स्थानबाट जुलुस निकाली वसन्तपुर पुग्ने भएको छ ।
सोही जुलुसमा काठमाडौं उपत्यका विशेष प्रदेश कमिटी, पार्टीका केन्द्रीय विभागहरू, सांसदहरू, उपत्यकामा पार्टीबाट निर्वाचित स्थानीय तहका जनप्रतिनिधिहरू र सम्पर्क मञ्चहरूलगायत सहभागी हुने एमालेले जनाएको छ ।
