काठमाडौं । एक वर्षअघि देखि चर्चामा आएको ‘मैना राजा मैना रानी’ बोलको गीत भर्खरै मात्र बजारमा आएको छ ।

एकवर्षअघि गीतको थेगो मात्रै सार्वजनिक गरिएको थियो । थेगो अडियो मात्र सार्वजनिक भएपछि टिकटकमा पनि अत्याधिक भाईरल बनेको थियो । झण्डै ६ महिला अघि लकडाउनका समयमा गीतको प्रोमो बजारमा ल्याइएको थियो ।

विभिन्न कारण देखाउँदै रिलिजको मिती पछि सार्दै आएको निर्माण पक्षले यो गीत निकै नै आसा लाग्दो बनेको बताएको छ । मुस्ताङका विभिन्न ठाउँमा सुटिङ गरिएको गीतको लगानी पनि राम्रै लागेको निर्माण पक्षको दाबी छ ।

बिष्णु माझी र ऋषि खड्काको आवाज रहेको गीतमा रुपा रश्मी सापकोटको शब्द र खड्काकै संगीत रहेको छ । सिर्जन बरालले निर्देशन गरेको गीतमा रमेश हमाल ठकुरी र साया भण्डारीको अभिनय देख्न सकिन्छ ।

गीतमा राजा र रानीबीचको मायाले दर्शाउन खोजिएको छ । बरालले पछिल्लो समय एकपछि अर्को गर्दै सफल गीतमा निर्देशन गर्दै आएका छन् । पछिल्लो पटक यो मुटुमा चिरा पर्याछ बोलको गीत दर्शक स्रोताले एकदमै रुचाएका छन् ।