काठमाडौं । सभामुख अग्निप्रसाद सापकोटाले एसपिपीबारे सरकारका निर्णय र त्यसको कार्यान्वयन अवस्था सम्बन्धमा सदनलाई जानकारी गराउन सरकारलाई निर्देशन दिनुभएको छ ।
आज बसेको प्रतिनिधि सभा बैठकमा सत्तारूढ र प्रतिपक्ष सांसदहरूले एसपिपीको अवस्थाबारे सदनलाई सरकारले जानकारी दिनुपर्ने बताउनुभएका हो ।
मन्त्रिपरिषद् बैठकले एसपिपी सम्झौता लागू नगर्ने निर्णय गरेको लामो समय भए पनि परराष्ट्र मन्त्रालयले यसबारे अमेरिकालाई पत्राचार गरेको छैन।
सभामुख सापकोटाले सांसदहरूले एसपिपीबारे उठाएका विषयमा आफ्नो ध्यानाकर्षण भएको बताउनुभएको हो ।
एमालेका सांसद भीम रावलले बुधबार पनि एसपिपीबारे सदनलाई जानकारी गराउन सरकारलाई सभामुखले रुलिङ गर्नुपर्ने माग राखेका थिए।
