काठमाडौं । नेपाली काँग्रेसकी सांसद पुष्पा भुषाल गौतम प्रतिनिधि सभाको उपसभामुखमा निर्वाचित हुनुभएको छ ।

शुक्रबार प्रतिनिधि सभाको बैठकमा भएको निर्वाचनमा एमालेबाट उपसभामुखको उम्मेदवार रहेकी विद्या भट्टराईलाई पराजित गर्दै भुसाल निर्वाचित हुनुभएको हो । १ सय ४८ मत पाएर भुसाल बहुमतले विजयी हुनुभएको छ । ९३ सांसदले मत दिन्न र १ जना तटस्थ रहेका थिए ।

भुसालको उम्मेदवारीको प्रस्तावक माओवादी केन्द्रका प्रमुख सचेतक देव गुरुङ रहनुभएको थियो । भने समर्थकमा एकीकृत समाजवादीकी सांसद लक्ष्मी चौधरी रहनुभएको थियो ।

भुसाल सत्तागठबन्धन दलबाट उम्मेदवार बन्नुभएको हो भने भट्टराई विपक्षी दलबाट उम्मेदवार बन्नुभएको हो ।