काठमाडौं । नेपाल भ्रमणमा रहेका चिनियाँ कम्युनिष्ट पार्टी (सीपीसी) का विदेश विभाग प्रमुख लिउ जियान्चाओ नेतृत्वको टोली बुधबार स्वदेश फर्किँदै हुनुहुन्छ । त्यसअघि उनीहरूले राष्ट्रपति विद्यादेवी भण्डारीसँग भेटवार्ता गर्ने कार्यतालिका रहेको छ ।

राष्ट्रपति कार्यालयका अनुसार बिहान साढे १० बजे शीतल निवास पुगेर चिनियाँ टोलीले राष्ट्रपति भण्डारीलाई भेट्ने कार्यक्रम छ। त्यसपछि उहाँरू लिउ बुधबार बिहान ११ः४५ बजे स्वदेश फर्किनुहुने छ ।

लिउ नेतृत्वको प्रतिनिधि मण्डलले यसअघि प्रधानमन्त्री शेरबहादुर देउवा, परराष्ट्रमन्त्री डा. नारायण खड्का, ऊर्जामन्त्री पम्फा भुसाल, माओवादी केन्द्रका अध्यक्ष पुष्पकमल दाहाल, एमालेका अध्यक्ष केपी शर्मा ओली र एकीकृत समाजवादीका अध्यक्ष माधवकुमार नेपाल र सम्मानित नेता झलनाथ खनाललगायतसँग भेटवार्ता गरेको थियो।